پاڻيارا پکين جي تصوير

پاڻيارا پکي1 (Aquatic Birds ):پکين جي هن گروهه ۾ اهي سڀ پکي شامل آهن، جن کي پاڻيءَ ۾ ترڻ اچي ٿو. اهڙن پکين جي پيرن جون آڱريون هڪ سنهي پردي سان ڳنڍيل هونديون آهن، آڱرين ڳنڍيل پير پاڻيارن پکين کي ونجهه وارو ڪم ڏين ٿا، جن کي هلائي اهي پاڻيءَ ۾ تري سگهن ٿا، پاڻيارا، پکي ترڻ سان گڏوگڏ ٽٻيون هڻڻ به ڄاڻندا آهن، خاص طور ٽهڙ ٽٻي هڻڻ جي معاملي ۾ گهڻو مشهور آهي. هيءُ پکي پاڻيءَ جي هڪڙي پاسي کان ٽٻي هڻي وڃي ٻئي ڀر کان نڪرندو آهي، پاڻيارن پکين جا کنڀ پاڻيءَ کان محفوظ (Water Proof) هوندا آهن، جنهن ڪري مسلسل پاڻيءَ ۾ رهندي به آلا ناهن ٿيندا ۽ ضرورت پوڻ تي پکي پاڻيءَ تان ڀڙڪو ڏئي اڏامڻ لڳندا آهن. ڏيهي (Native) پاڻيارا پکي: پيئڻ (Pelican)، ڪانئرو (Cormorant)، کينڻاٺي (Moorhen)، ٽهڙ (Little Grebe)، ڪڳ (Tern). پرڏيهي (Migratory) پاڻيارا پکي: (1) نيرڳ / نيرڳو / نيرڳي (Mallard)، (2) ڪرڙو (Common Taal)، (3) ڊگوش (Pintail)، (4) رتب (Red Cressed Pochard)، (5) ٿورو هنرو/ ٿورهانڊو (Common Pochard)، (6) روهارو (Yellow-eyed Duck)، (7) ڦاراهو (Wigeon)، (8) ٻولاهي (Coot)، (9) ڳنو اڇو/ هنجهر (Ruddy helduck)، (10) ٿر نيرڳو (Common Shelduck)، (11) منگهه (Grey Goose)، (12) هنج (Swan)، (13) ڳيڻو/ لنگهو (Shoveller)، (14) ٻورڻو/ٻهاڙ (Gad Wall)، (15) وڏو ٽهڙ (Great Crested Grebe)، (16) ٽـٻــر (Driver)، (17) چـيـهه (Wood duck)، (18) کانبـاهـو (Shag)، (19) ڇاڙهو (Marbled teal)، (20) چيڪلو (Garganey teal)، (21) لاکي ڄاڃي (Flamingo)، (22) ڪنگ (Tern) (ڪجهه قسم)، (23) ڪينو (Gul) (ڪيترائي قسم).

پکي - ڀاڱي جون ٻِيون داخلائون